មន្ត្រីនគរបាលម្នាក់ឈ្មោះ គង់ សុភា បាញ់បោះកាលពីយប់មិញ ត្រូវនគរបាលចាប់ខ្លួនហើយ
30-March-2020 | ដោយ ពលមនសិការ
ភ្នំពេញ៖ មន្ត្រីនគរបាលម្នាក់ឈ្មោះ គង់ សុភា ព្រះនាម០៦ បម្រើការងារនៅការិយាល័យគ្រឿងញៀននៃស្នងការដ្ឋាននគរបាលរាជធានីភ្នំពេញ ដែលបានផ្ទុះអាវុធនេះស្ថិតក្នុងភូមិ៣ (ប្លុកក្តាន់២) សង្កាត់ស្រះចក ខណ្ឌដូនពេញ ត្រូវបានសមត្ថកិច្ចនៃការិយាល័យព្រហ្មទណ្ឌកំរិតស្រាលចាប់ខ្លួនបានហើយ និងរៀបចំសំណុំរឿង ដើម្បីបញ្ជូនទៅតុលាការ អនុវត្តបន្តតាមនីតិវីធីច្បាប់។
សូមរំលឹកថា ក្រុមជនស៊ីវិលមួយក្រុមជិះរថយន្ដចំនួន៣គ្រឿង និងម៉ូតូជាច្រើនគ្រឿង ហើយនៅក្នុងនោះគេស្គាល់ថា មានម្នាក់ជាមន្ត្រីនគរបាលផង បានដកកាំភ្លើងបាញ់ប្រមាណជា១០គ្រាប់ កាលពីវេលាម៉ោងប្រមាណ១០យប់ ថ្ងៃទី២៩ ខែមីនា ឆ្នាំ២០២០ ធ្វើឲ្យប្រជាពលរដ្ឋរស់នៅចំណុចផ្លូវរថភ្លើង ក្នុងភូមិ៣ សង្កាត់ស្រះចក (ប្លុកក្តាន់២) ភ័យស្លន់ស្លោ។
បើតាមប្រជាពលរដ្ឋថា មុនដំបូងគេឃើញរថយន្តចំនួន៣គ្រឿងនិងម៉ូតូជាច្រើនគ្រឿងស្លៀកពាក់ស៊ីវិលទំនងជាកម្លាំងសមត្ថកិច្ចផ្នែកណាមួយបានចុះមកដល់ចំណុចកើតហេតុខាងលើ រួចហើយបានដកកាំភ្លើងបាញ់ជាច្រើនគ្រាប់ដោយមិនដឹងមូលហេតុ, បន្ទាប់ពីក្រុមខ្មាន់កាំភ្លើងបាញ់រួច ពួកគេបាននាំគ្នារត់ឡើងជិះរថយន្តនិងម៉ូតូគេចខ្លួនបាត់ស្រមោល។
ក្រោយមានការភ្ញាក់ផ្អើលគេសង្កេតឃើញមានកម្លាំងសមត្ថកិច្ចខណ្ឌដូនពេញ បានចុះទៅសួរនាំ និងធ្វើកំណត់ហេតុដើម្បីស្រាវជ្រាវកំណត់មុខសញ្ញាក្រុមជនដែលបាញ់បោះសេរីចាប់យកមកផ្តន្ទាទោសតាមផ្លូវច្បាប់។
ប្រភពពីនគរបាលរាជធានីភ្នំពេញ បានឲ្យដឹងថាការឃាត់ខ្លួនជនសង្ស័យខាងលើ ដោយអនុវត្តតាមបទបញ្ជា និងការណែនាំរបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ៕
ចំនួនអ្នកទស្សនា
- ថ្ងៃនេះ1571
- ម្សិលមិញ15191
- សប្តាហ៍នេះ44721
- ខែនេះ66601
- ឆ្នាំនេះ66601
- សរុប20509057